Prime Minister Shahbaz Sharif's announcement to hand over the administration of the country to the caretaker government in August 2023

 وزیراعظم شہباز شریف کا اگست 2023 میں ملک کا نظم و نسق نگراں حکومت کے حوالے کرنے کا اعلان

وزیراعظم شہباز شریف کا کہنا ہے کہ ’آپ نے سوا سال پہلے مجھے بطور وزیراعظم جو ذمہ داری سونپی تھی ملک کی بھلائی، آپ کی خیر خواہی اور خدمت کی یہ مقدس امانت اگست 2023 کو ہم نگران حکومت کے سپرد کردیں گے۔‘

قوم سے خطاب میں وزیراعظم شہبازشریف کا کہنا ہے کہ ہم نے اپنے دورِ اقتدار میں پاکستان کے مفادات کی راہ میں بچھائی گئی بارودی سُرنگیں صاف کیں، معیشت، خارجہ تعلقاتئ توانائی اور امن و امان سمیت دیگر شعبوں میں بدترین بدانتظامی، کرپشنئ نالائقی اور سازشوں کی لگی آگ بھی بجھائی ہے۔

وزیراعظم شہبازشریف کا کہنا ہے کہ پاکستان کی جمہوری تاریخ میں یہ اپنی نوعیت کی واحد منتخب مخلوط حکومت ہے جو مختصر ترین مدت کے لیے قائم ہوئی اور جس نے پاکستان کی تاریخ کے سب سے بڑے چیلنجز اور مشکلات کا سامنا کیا۔

ان کا کہنا ہے کہ اس حکومت نے ایک سمت کا تعین کیا اور ثابت کیا کہ کم وقت میں سازشوں کے باوجود ملک و قوم کو بحرانوں سے نکالا جا سکتا ہے۔