بجلی کی قیمت میں اضافے کیخلاف سپریم کورٹ میں درخواست دائر
غریب عوام خودکشیوں پر مجبور ہوگئی، درخواست میں مؤقف
بجلی کی قیمتوں میں اضافے کیخلاف سپریم کورٹ لاہور رجسٹری میں درخواست دائر کردی گئی۔ درخواست گزار کا مؤقف ہے کہ بجلی کا فی یونٹ 50 روپے کردیا گیا۔
سپریم کورٹ لاہور رجسٹری میں ملک میں بجلی کی قیمتوں میں غیر معمولی اضافے کیخلاف درخواست دائر کی گئی ہے، درخواست مقامی وکیل مدثر چوہدری ایڈووکیٹ کی جانب سے دائر کی گئی۔
درخواست میں مؤقف اختیار کیا گیا ہے کہ بجلی کی قیمتوں میں انتہاء کا اضافہ کردیا گیا، بجلی کا فی یونٹ 50 روپے کا ہوگیا۔
درخواست گزار نے مؤقف اپنایا کہ بجلی مہنگی ہونے سے غریب آدمی خودکشیاں کررہے ہیں، عدالت بجلی کی قیمتوں میں اضافے کو فوری ختم کرنے کا حکم دے۔
واضح رہے کہ حکومت کی جانب سے گزشتہ ماہ بجلی کی قیمتوں میں تین روپے سے 7.50 روپے فی یونٹ اضافہ کیا گیا تھا، جس کے بعد بجلی کے زیادہ سے زیادہ فی یونٹ نرخ 50 روپے تک پہنچ گئے ہیں۔
An application was filed in the Supreme Court against the increase in the price of electricity
Reviewed by 00000
on
اگست 06, 2023
Rating:
Reviewed by 00000
on
اگست 06, 2023
Rating:
کوئی تبصرے نہیں:
ایک تبصرہ شائع کریں